Select Page

အချက်အလက်ရှာဖွေရေး မစ်ရှင် (FFM)

(၂၀၁၇) မတ်လတွင်၊ ကုလလူ့အခွင့်အရေးကောင်စီက မြန်မာနိုင်ငံအတွင်း တပ်မတော်နှင့် လုံခြုံရေးတပ်ဖွဲ့များက လူ့အခွင့်အရေး ချိုးဖောက်မှုများ ကျူးလွန်ခဲ့သည်ဆိုသော စွပ်စွဲချက်များ၊ အလွဲသုံးစားပြုမှုများ စသည်တို့နှင့် ပတ်သက်သည့် အချက်အလက်၊ အခြေအနေများကို အတည်ပြုရန်၊ သီးသန့်လွတ်လပ်သော နိုင်ငံတကာ အချက်အလက်ရှာဖွေရေးမစ်ရှင် (FFM)ကို ဖွဲ့စည်းခဲ့သည်။ (၂၀၁၉)ခုနှစ်၊ စက်တင်ဘာလတွင် FFM၏ လုပ်ပိုင်ခွင့် ပြီးဆုံးခဲ့သည်။

(၂၀၁၁) ခုနှစ်မှစ၍၊ မြန်မာနိုင်ငံတွင် အပြည်ပြည်ဆိုင်ရာ ရာဇဝတ်မှုများ အရာရောက်နိုင်သော လူ့အခွင့်အရေး ချိုးဖောက်မှုများ၊ အလွဲသုံးစားပြုမှုများနှင့် ပတ်သက်သည့် အချက်အလက်၊ အခြေအနေများကို အတည်ပြုရန် FFM ကို လုပ်ပိုင်ခွင့်ပေးအပ်ခဲ့သည်။ လူ့အခွင့်အရေး မှတ်တမ်းတင် လုပ်ထုံးနည်းနာတွင် အသုံးပြုသော၊ “ယုတ္တိရှိသော အကြောင်းရင်းများအရ ဤကဲ့သို့ ကောက်ချက်ချနိုင်သည်” ဟူသော အထောက်အထား စံချိန်ကို FFM က အသုံးပြုသည်။ ယန္တရားကမူ၊ ရာဇဝတ်အမှုတွဲများအတွက် အထောက်အထားများကို စုဆောင်းရန် အာရုံစိုက်သည်။ ရာဇဝတ်အမှုတွဲများအတွက် လိုအပ်သော သက်သေခံအထောက်အထားစံချိန်က ပိုမိုမြင့်မားသည်။ “ယုတ္တိရှိသော သံသယအားလုံးကင်းသည်” ဟူသော စံချိန်၊ သို့မဟုတ် “အချက်အလက်ရှာဖွေသူက အရင်းအနှီး ယုံကြည်ချက် ရှိသည်” ဟူသော စံချိန်မီသည့် အထောက်အထားလိုအပ်သည်။ ယခုလက်ရှိတွင် FFM က တာဝန်များပြီးဆုံးသွားပြီဖြစ်ပြီး၊ ယန္တရားက လုပ်ငန်းစတင်နေဆဲဖြစ်သည်။

ယန္တရား နှင့် FFMတို့သည် ဦးဆောင်သူများနှင့် ရည်ရွယ်ချက်များ မတူညီကြသည့် သီးခြားအဖွဲ့အစည်းနှစ်ခု ဖြစ်ကြောင်း သတိပြုရန် အရေးကြီးပါသည်။ ရာဇဝတ်အမှုတွဲများကို ပြင်ဆင်ရာတွင်၊ တခြားအရင်းအမြစ်များမှ အထောက်အထားများကို ဆက်လက်စုဆောင်းပြီး၊ ကိုယ်တိုင် စိစစ်သုံးသပ်မှုများကို လုပ်ဆောင်သွားမည့်အပြင်၊ FFMထံမှ လက်ခံရရှိခဲ့သော အချက်အလက်များကို ယန္တရားက အသုံးပြုသွားမည်ဖြစ်သည်။