နှစ်ပတ်လည်အစီရင်ခံစာများ
ယန္တရား၏ ဆောင်ရွက်ချက်များနှင့် တွေ့ရှိချက်များအကြောင်း ပိုမိုသိရှိလိုပါက ကုလသမဂ္ဂလူ့အခွင့်အရေး ကောင်စီတွင်တင်ပြပြီး အထွေထွေညီလာခံသို့ပေးပို့ခဲ့သည့် ယန္တရား၏နှစ်ပတ်လည်အစီရင်ခံစာများကို ဖတ်ရှုနိုင်ပါတယ်။
၂၀၂၄
ဆဌမမြောက်နှစ်ပတ်လည်အစီရင်ခံစာမှ ကောက်နှုတ်ချက်များ
မြန်မာနိုင်ငံအနှံ့ ပဋိပက္ခအရှိန်မြင့်နေပြီး စစ်အုပ်ချုပ်ရေးကို ဆန့်ကျင်နေသည့်အချိန်တွင် ယန္တရားသည် မြန်မာစစ်တပ်၏ ရက်စက်ကြမ်းကြုတ်သော စစ်ရာဇ၀တ်မှုများနှင့် လူသားမျိုးနွယ်အပေါ် ကျူးလွန်သည့် ရာဇ၀တ်မှုဆိုင်ရာ အထောက်အထားများကို စုဆောင်းပြီး စိစစ်သုံးသပ်ခဲ့သည်။
ဆန္ဒပြသူများကို အကြမ်းဖက်နှိမ်နင်းခြင်း၊ အုပ်စုဖွဲ့ မုဒိမ်းကျင့်ခြင်းနဲ့ အခြား လိင်ပိုင်းဆိုင်ရာနှင့် ဂျင်ဒါအခြေပြု ရာဇဝတ်မှုများအပါအဝင် ချုပ်နှောင်ခံရသူများအား စနစ်တကျ ညဥ်းပန်းနှိပ်စက်ခြင်းစသည့် အာဏာသိမ်းပြီးနောက်ပိုင်း ကျူးလွန်သည့် ရာဇဝတ်မှုများကိုလည်း ယန္တရားက စုံစမ်းစစ်ဆေးရာမှာ သိသာသော တိုးတက်မှုများ ရရှိခဲ့သည်။
မြန်မာလုံခြုံရေးတပ်ဖွဲ့များနှင့် ရက္ခိုင့်တပ်တော်တို့ကြား ပဋိပက္ခများ၊ ရိုဟင်ဂျာနှင့် ရခိုင်ပြည်သူများအား ကျူးလွန်သည့် ရာဇဝတ်မှုများကို ဆန်းစစ်လေ့လာရန် စုံစမ်းစစ်ဆေးရေး လမ်းကြောင်းသစ်တစ်ခုကိုလည်း စတင်ခဲ့သည်။
ယန္တရားသည် ယခင်ကထက် သိသိသာသာများပြားသော အထောက်အထားနှင့် စိစစ်သုံးသပ်ချက်များကို ရိုဟင်ဂျာများနှင့် ပတ်သက်သည့် အမှုများကို စစ်ဆေးနေသည့် နိုင်ငံတကာ ရာဇဝတ်ခုံရုံး၊ နိုင်ငံတကာ တရားရုံးနှင့် အာဂျင်တီးနားတရားရုံးတို့ထံ မျှဝေထားသည်။ ယနေ့အထိ သတင်းအချက်အလက်နှင့် စိစစ်သုံးသပ်ချက် တစ်သန်းကျော်ပါဝင်သော အတွဲပေါင်း (၈၀) ကို မျှဝေထားပြီး ဖြစ်သည်။
ဤအစီရင်ခံစာကို အထွေထွေညီလာခံသို့ (A/79/280) ပေးပို့ခဲ့သည်။
ပိုမိုသိရှိနိုင်ရန် သတင်းထုတ်ပြန်ချက်ကို ဖတ်ပါ။
၂၀၂၃
ယန္တရား၏ ပဉ္စမနှစ်ပတ်လည်အစီရင်ခံစာ မှ ကောက်နှုတ်ချက်များ
၂၀၂၁ ခုနှစ် ဖေဖော်ဝါရီလတွင် စစ်တပ်မှ အာဏာသိမ်းပြီးနောက်ပိုင်း၊ မြန်မာနိုင်ငံတွင် ကြီးလေး သည့် နိုင်ငံတကာရာဇ၀တ်မှု အမှတ်လက္ခဏာဆောင်သောဖြစ်ရပ်များ သိသိသာသာတိုးလာသည်။
၂၀၁၆ နှင့် ၂၀၁၇ ခုနှစ် ရှင်းလင်းစစ်ဆင်ရေးအတွင်း ရိုဟင်ဂျာများအပေါ် ကျူးလွန်သည့် လိင်ပိုင်းဆိုင်ရာနှင့် ဂျင်ဒါအခြေပြု ရာဇ၀တ်မှုများ အလွန်ပျံ့နှံ့ဖြစ်ပွားခဲ့ရာ၊ ထိုကျူးလွန်မှုများသည် အထူးစုံစမ်းစစ်ဆေးရမည့်ကိစ္စတစ်ရပ် ဖြစ်လာသည်။
ယန္တရားတွင် စုဆောင်းထားသော မျက်မြင်သက်သေထွက်ဆိုချက်များ သိသိသာသာ တိုးများလာသည်။
ယန္တရားသည် ၎င်း၏ ပထမဆုံးသော အရပ်ဘက်လူမှုအဖွဲ့အစည်းဆွေးနွေးပွဲကို စီစဥ်ကျင်းပခဲ့ပြီး အရပ်ဘက်လူမှုအဖွဲ့အစည်းများနှင့် ပူးပေါင်းဆောင်ရွက်မှုကို တိုးချဲ့ခဲ့သည်။
ဤအစီရင်ခံစာကို အထွေထွေညီလာခံသို့ (A/78/299) ပေးပို့ခဲ့သည်။
နောက်ထပ်အချက်အလက်များအတွက် သတင်းထုတ်ပြန်ချက် နှင့် ယန္တရား၏အကြီးအကဲထံမှအမှာစာ တွင်ကြည့်ပါ။
၂၀၂၂
ယန္တရား၏ စတုတ္ထနှစ်ပတ်လည်အစီရင်ခံစာ မှ ကောက်နှုတ်ချက်များ
ယန္တရားက စိစစ်သုံးသပ်ထားသည့်အထောက်အထားများအရ၊ မြန်မာနိုင်ငံတွင် လူသားမျိုးနွယ်အပေါ်ကျူးလွန်သည့်ရာဇ၀တ်မှုများနှင့် စစ်ရာဇ၀တ်မှုများကို စနစ်တကျ ဆက်လက်ကျူးလွန်နေသည်။ ဤဆက်လက်ဖြစ်ပေါ်နေသော ပဋိပက္ခများသည် အမျိုးသမီးများ၊ ကလေးများ၊ လိင်တူချစ်သူများ၊ လိင်တူလိင်ကွဲချစ်သူများ၊ လိင်ပြောင်းထားသူများနှင့် လိင်အင်္ဂါမထင်ရှား၊ မကွဲပြားသူများ အသိုက်အဝန်းကို ပြင်းထန်စွာ သက်ရောက်နေသည်။
မြန်မာနိုင်ငံတွင် ဖြစ်နိုင်ချေရှိသော ကြီးလေးသည့်နိုင်ငံတကာရာဇ၀တ်မှုအတိုင်းအတာသည် သိသိသာသာ ကျယ်ပြန့်လာသည်။ ထို့ကြောင့် ယန္တရားသည် ဦးစားပေးဆောင်ရွက်ရမည့် စုံစမ်းစစ်ဆေးရေးလုပ်ငန်းများကို ပြန်လည်မွမ်းမံပြီး လိုက်လျော်ညီထွေစွာ ပြင်ဆင်ထားသည်။
ယန္တရားသည် အထူးပြုစွမ်းဆောင်ရည်များကို မြှင့်တင်ပြီး နောက်ဆုံးပေါ်နည်းပညာများကို အသုံးပြုလျက်ရှိသည်။ ဤနည်းပညာအကူအညီဖြင့် ရရှိထားသောအချက်အလက် သန်းပေါင်းများ စွာကို စိစစ်သုံးသပ်ကာ၊ ကြီးလေးသည့် နိုင်ငံတကာရာဇ၀တ်မှုများကျူးလွန်ကြောင်း သက်သေပြရန် နှင့် တာဝန်အရှိဆုံးပုဂ္ဂိုလ်များအပေါ် အမှုတည်ဆောက်ရန် လုပ်ဆောင်သည်။
ဤအစီရင်ခံစာကိုလည်း အထွေထွေညီလာခံသို့ (A/77/311) ပေးပို့ခဲ့သည်။
နောက်ထပ်အချက်အလက်များအတွက် သတင်းထုတ်ပြန်ချက် ကိုကြည့်ပါ။
၂၀၂၁
ယန္တရား၏ တတိယနှစ်ပတ်လည်အစီရင်ခံစာ မှ ကောက်နှုတ်ချက်များ
မြန်မာနိုင်ငံတွင် ၂၀၂၁ ခုနှစ် ဖေဖော်ဝါရီလ၌ စစ်တပ်မှအာဏာသိမ်းပြီးနောက်ပိုင်း အချက်အလက် အမြောက်အမြားရရှိလာသည်ကို တုံ့ပြန်ဆောင်ရွက်ရန်အတွက် ယန္တရား၏လုပ်ငန်းများ အားကောင်းစေရေး၊ ချဲ့ထွင်ရေးနှင့် လိုက်လျောညီထွေဖြစ်ရေး အစီအစဉ်များ ချမှတ်ခဲ့သည်။
အာဏာသိမ်းမှုမတိုင်မီ ဖြစ်ပွားခဲ့သောဖြစ်ရပ်များနှင့်ပတ်သက်သည့် အထောက်အထားများ စုဆောင်းခြင်းနှင့်စိစစ်သုံးသပ်ခြင်းများကို ဆက်လက်ဆောင်ရွက်သည်။ မြန်မာနိုင်ငံရှိ ရိုဟင်ဂျာများ၏အခြေအနေနှင့် အခြားဦးစားပေးအမှုများကို စုံစမ်းစစ်ဆေးမှု တိုးမြှင့်ရန် ယန္တရား၏ အရင်းအမြစ်များနှင့် စွမ်းရည်များကို မဟာဗျူဟာကျကျ ဆက်လက်အသုံးပြုခဲ့သည်။
ဤအစီရင်ခံစာကို အထွေထွေညီလာခံ (A/76/317) သို့ ပေးပို့ခဲ့သည်။
၂၀၂၀
ယန္တရား၏ ဒုတိယနှစ်ပတ်လည်အစီရင်ခံစာ အထူးဖော်ပြချက်များ
ယန္တရား၏ ပထမနှစ်လုပ်ငန်းများတွင် သိသာထင်ရှားသော တိုးတက်မှုများ ရရှိခဲ့ပြီး၊ ယန္တရား၏စီမံကိန်းများနှင့်လုပ်ငန်းများအရှိန်မြှင့်တင်ခြင်း၊ အဓိကပါဝင်ပတ်သက်သူများနှင့် ထိတွေ့ဆက်ဆံခြင်းများ ဆောင်ရွက်ခဲ့သည်။
ဤအစီရင်ခံစာကို အထွေထွေညီလာခံ (A/75/197) သို့ ပေးပို့ခဲ့သည်။
၂၀၁၉
ယန္တရား၏ ပထမနှစ်ပတ်လည်အစီရင်ခံစာ မှ ကောက်နှုတ်ချက်များ
ယန္တရားသည် ကနဦးဦးစားပေးလုပ်ငန်းများ၊ လုပ်ငန်းစတင်ရာတွင် ကြုံတွေ့နိုင်သည့် အဓိကစိန်ခေါ်မှုများနှင့် စုံစမ်းစစ်ဆေးရန်အမှုများရွေးချယ်ခြင်း စသည့်ကဏ္ဍများ ပါဝင်သော မဟာဗျူဟာတစ်ရပ်ကို ချမှတ်ခဲ့သည်။
ယန္တရားသည် ၎င်း၏လုပ်ငန်းစတင်လည်ပတ်ရန်နှင့် အပြည့်အဝလှုပ်ရှားဆောင်ရွက်ရန်အတွက် ခြေလှမ်းများ စတင်ခဲ့သည်။
ဤအစီရင်ခံစာကို အထွေထွေညီလာခံ (A/74/278) သို့ ပေးပို့ခဲ့သည်။
