Select Page

လုပ်ငန်းစဉ်

မိမိတို့၏ လုပ်ပိုင်ခွင့်ကို ထမ်းဆောင်နိုင်ရန် ယန္တရားသည် အပိုင်း(၄)ပိုင်းပါသော မဟာဗျူဟာအရ ဆောင်ရွက်သည်။

၁။ (၂၀၁၁)ခုနှစ်မှစ၍ မြန်မာနိုင်ငံတွင် ကျူးလွန်ခဲ့သော အကြီးလေးဆုံးသော  အပြည်ပြည်ဆိုင်ရာ ရာဇဝတ်မှုများ၊ နိုင်ငံတကာဥပဒေ ချိုးဖောက်မှုများနှင့် သက်ဆိုင်သည့် သတင်းအချက်အလက်များ၊ စာရွက်စာတမ်းများနှင့်  သက်သေ‌အထောက်အထားများအား ယန္တရားက စုဆောင်း၊ ပေါင်းစည်း၊ ထိန်းသိမ်း၍ စိစစ်သုံးသပ်ခြင်း ပြုလုပ်သည်။ အပြည်ပြည်ဆိုင်ရာ ရာဇ၀တ်မှုများတွင် လူမျိုးတုံးလုပ်ဆောင်မှု၊ စစ်ရာဇ၀တ်မှု၊ လူသားမျိုးနွယ်အပေါ် ကျူးလွန်သည့် ရာဇ၀တ်မှု၊ အခြားသော အပြည်ပြည်ဆိုင်ရာ လူ့အခွင့်အရေး ချိုးဖောက်မှု နှင့် အပြည်ပြည်ဆိုင်ရာ လူသားချင်း စာနာထောက်ထူးမှု ဥပဒေ ချိုးဖောက်မှုတို့ ပါ၀င်သည်။ 

သက်သေအထောက်အထား ပစ္စည်းများအား စုဆောင်းခြင်း၊ ပေါင်းစည်းခြင်းနှင့် ထိန်းသိမ်းခြင်းဖြင့်၊ မြန်မာနိုင်ငံတွင်း ကျူးလွန်ခဲ့သည့် ကြီးလေးသော အပြည်ပြည်ဆိုင်ရာ ရာဇဝတ်မှုများနှင့် အပြည်ပြည်ဆိုင်ရာဥပဒေ ချိုးဖောက်မှုများကို ကျူးလွန်ခဲ့ကြောင်း စွပ်စွဲခံ ပုဂ္ဂိုလ်များအား နိုင်ငံတွင်း၊ ဒေသတွင်းနှင့် အပြည်ပြည်ဆိုင်ရာတရားရုံးများ၊ သို့မဟုတ် ခုံရုံးများက ရာဇဝတ်မှုတရားစီရင်ချက်များအတွက် ရုံးတင်လက်ခံနိုင်မည့် ယေဘုယျစံချိန်များမီသော အထောက်အထားများကို ရရှိရန် ရည်ရွယ်ပါသည်။ သက်သေအထောက်အထား ပစ္စည်းကို ထိန်းသိမ်းထားခြင်းသည် အရေးကြီးသော သက်ဆိုင်ရာ အချက်အလက်၊ စာရွက်စာတမ်းနှင့် အထောက်အထားများ မပျောက်ဆုံးစေရန်အတွက် အကာအကွယ် ဖြစ်စေလိမ့်မည်။

၂။ စုဆောင်းရရှိသော သက်သေအထောက်အထားများကို ယန္တရားက စိစစ်သုံးသပ်ပြီး ကျူးလွန်ခဲ့သည့် ရာဇ၀တ်မှု အမျိုးအစားနှင့် ၎င်း အမှုများကို ကျူးလွန်ရာတွင် တာ၀န်ရှိသည့် ပုဂ္ဂိုလ်ကို ဖော်ထုတ်သတ်မှ်သည်။ ယန္တရားသည် သက်သေအထောက်အထားများကို အမှုတွဲတည်ဆောက်ရန်အတွက်လည်း အသုံးပြုသည်။ 

မြန်မာနိုင်ငံတွင် ကြီးလေးသော အပြည်ပြည်ဆိုင်ရာ ရာဇဝတ်မှုများနှင့် အပြည်ပြည်ဆိုင်ရာ ဥပဒေ ချိုးဖောက်မှုကျူးလွန်ခဲ့သော ပုဂ္ဂိုလ်များအား ရာဇဝတ်မှုတရားစီရင်နိုင်ရေးအတွက် ရုံးတင်စီရင်မည့် အလားအလာရှိသော နိုင်ငံတွင်း၊ ဒေသတွင်းနှင့် အပြည်ပြည်ဆိုင်ရာတရားရုံးများ၊ သို့မဟုတ် ခုံရုံးများ၌ အသုံးပြုနိုင်သော အသေးစိတ်တိကျသည့် အထောက်အထားများကို စိစစ်သုံးသပ်ခြင်းနှင့် ရှာဖွေဖော်ထုတ်ခြင်းဖြင့် အမှုတွဲများကို ပြင်ဆင် ဆောင်ရွက်သွားမည်။

၃။ ကြီးလေးသော အပြည်ပြည်ဆိုင်ရာ ရာဇဝတ်မှုများအတွက် တရားစီရင်ခွင့်ရှိသော နိုင်ငံတွင်း၊ ဒေသတွင်း နှင့် အပြည်ပြည်ဆိုင်ရာတရားရုံးများ သို့မဟုတ် ခုံရုံးများသို့ အထောက်အထားများနှင့် အမှုတွဲများကို ယန္တရားက မျှဝေသွားမည်။

မြန်မာနိုင်ငံတွင် ကြီးလေးသော အပြည်ပြည်ဆိုင်ရာ ရာဇဝတ်မှုများနှင့် နိုင်ငံတကာဥပဒေချိုးဖောက်မှုများကို ကျူးလွန်ခဲ့သည်ဆိုသော လူပုဂ္ဂိုလ်များအား၊ နိုင်ငံတွင်း၊ ဒေသတွင်းနှင့် အပြည်ပြည်ဆိုင်ရာတရားရုံးများ သို့မဟုတ်၊ ခုံရုံးများတွင် တရားမျှတ၍ သီးသန့်လွတ်လပ်သော ရာဇဝတ်မှုစီရင်ချက်များဖြင့် စ၍ ရုံးတင်နိုင်ရန် ရည်ရွယ်ကာ၊ အထောက်အထားများနှင့် အမှုတွဲများကို မျှဝေသွားပါမည်။

4. The Mechanism explains and communicates its mandate and work to relevant stakeholders, including survivors, civil society and the public.

ယန္တရားလုပ်ငန်းများနှင့် ပတ်သက်ပြီး သက်ဆိုင်ရာ ပါဝင်ပတ်သက်သူများ၊ အထူးသဖြင့် မျက်မြင်သက်သေများနှင့် နစ်နာသူများအုပ်စုတို့၏ တုံ့ပြန်မှုကို ကြားသိနိုင်ရန်အတွက် ပွင့်လင်းသော ဆက်သွယ်‌‌ရေးလမ်းကြောင်းကို ဖွင့်ထားရန် ကြိုးစားပါမည်။ သက်ဆိုင်ရာ ပါဝင်ပတ်သက်သူများက ယန္တရားနှင့် ပတ်သက်ပြီး ပိုမိုနားလည်စေရန်နှင့် လက်တွေ့ကျသော မျှော်မှန်းချက်များ ထားရှိနိုင်စေရန် ယန္တရား၏ ဆက်သွယ်‌‌ရေးနှင့် အများပြည်သူနှင့် ဆက်ဆံရေးလုပ်ငန်းများကို လုပ်ဆောင်သွားပါမည်။ ထိုမှတဆင့်၊ ယန္တရား၏ လုပ်ပိုင်ခွင့်ကို ထိရောက်စွာ ဆောင်ရွက်နိုင်ရန် ၎င်းတို့က ကူညီထောက်ပံ့နိုင်ပါလိမ့်မည်။