Select Page

ဝန်ထမ်းခန့်အပ်ခြင်း

ယန္တရားက ခေါ်ဆိုနေသော အလုပ်အကိုင်များ၊ အတိုင်ပင်ခံဝန်ထမ်းနေရာများနှင့် အလုပ်သင်နေရာများကို ကုလသမဂ္ဂ၏ ဝန်ထမ်းများ ရွေးချယ်ခန့်အပ်သည့် အွန်လိုင်းပလက်ဖောင်း တွင် ဖော်ပြထားပါသည်။ အလုပ် လျှောက်လွှာများကို လက်ခံစဉ်းစားနိုင်ရန်အတွက် ထိုနေရာမှ တစ်ဆင့် ‌‌လျှေက်ရမည်။

အလုပ်အကိုင်များ

တခြားနေရာတွင် နောက်တစ်မျိုး ဖော်ပြထားခြင်းမရှိပါက၊ ယန္တရား၏ အလုပ်အကိုင်များသည် ဂျီနီဗာမြို့တွင် တည်ရှိပါသည်။

ယန္တရားသည် ကုလသမဂ္ဂအမိန့်စာတမ်းနှင့် သက်ဆိုင်သော ကုလ စည်းမျဉ်းစည်းကမ်းများနှင့်အညီ ဝန်ထမ်းများကို ခန့်အပ်ပါသည်။ ထို့ကြောင့်၊ ဝန်ထမ်းများခန့်အပ်ရာတွင် ကျွမ်းကျင်မှု၊ အရည်အချင်းပြည့်စုံမှုနှင့် သမာဓိရှိမှုတို့ကို အမြင့်ဆုံးစံချိန်အရ၊ ယန္တရားက အရေးအကြီးဆုံးအနေနှင့် ထည့်သွင်းစဉ်းစားပါသည်။

တတ်နိုင်သမျှ နေရာဒေသအသီးသီးမှ ၀န်ထမ်းများ ကျယ်ပြန့်စွာ ပါ၀င်လာ‌စေရန် အလေးထားစဉ်းစားပြီး၊ အလုပ်ခန့်အပ်ပါမည်။ ကုလသမဂ္ဂတွင် အမျိုးသားနှင့် အမျိုးသမီးများများ၏ အရည်အချင်းကို မည်သည့် ကန့်သတ်ချက်မျိုးမှ မထားရှိပါ။ သူတို့ တတ်စွမ်းသည့်ဘက်မှ တန်းတူ လျှောက်ထား ပါ၀င် နိုင်ပါသည်။

လတ်တလောတွင် ယန္တရားအတွက် အလုပ် ခေါ်ယူခြင်း မရှိသေးပါ။

အတိုင်ပင်ခံများ

ယန္တရားသည် အချိန်အကန့်အသတ်ဖြင့် ဆောင်ရွက်ရသော လုပ်ငန်းများအတွက် အထူးကျွမ်းကျင်သည့် အတိုင်ပင်ခံများကို တစ်ခါတစ်ရံ ရှာဖွေခန့်အပ်သွားမည်။ လတ်တလောတွင် ယန္တရားအတွက် အတိုင်ပင်ခံများ ခေါ်ယူခြင်း မရှိသေးပါ။

အလုပ်သင်များ

ယန္တရားမှ ခန့်အပ်သော အလုပ်သင်ရာထူးများသည် လစာမဲ့ဖြစ်ပြီး၊ အချိန်ပြည့်၊ (၃)လမှ (၆)လကြာ လုပ်ကိုင်ရမည်ဖြစ်သည်။ ရာထူးရွေးချယ်ခန့်အပ်မှုများကို တစ်သုတ်ပြီးတစ်သုတ် ခေါ်ဆိုသွားပါမည်။ အလုပ်ခေါ်စာတွင် နောက်တစ်မျိုး ဖော်ပြထားခြင်းမရှိပါက၊ ယန္တရား၏ အလုပ်သင်များသည် ီနီဗာမြို့တွင် အခြေစိုက်မည် ဖြစ်သည်။

ယန္တရား၏ အလုပ်သင်ရာထူးများသို့ လျှောက်ထားသူများသည် အောက်ပါအရည်အချင်းများနှင့် ပြည့်စုံရပါမည်။ (က) ဘွဲ့လွန်ကျောင်းအစီအစဉ် (ဒုတိယတက္ကသိုလ်ဘွဲ့နှင့် ညီမျှသော သို့မဟုတ်၊ ပိုမို မြင့်မားသော)တစ်ခုတွင် စာရင်းသွင်းထားသူ ဖြစ်ရပါမည်။ (ခ) ပထမတက္ကသိုလ် ဘွဲ့သင်တန်း၏ နောက်ဆုံးပညာသင်နှစ်တွင် စာရင်းသွင်းထားသူ (အနည်းဆုံးတက္ကသိုလ်ဘွဲ့အဆင့်) သို့မဟုတ်၊ (ဂ) ပထမ သို့မဟုတ်၊ ဒုတိယတက္ကသိုလ်ဘွဲ့ ရရှိပြီး၊ ရွေးချယ်ခံရပါက ဘွဲ့ရပြီးတစ်နှစ်တာအတွင်း အလုပ်စတင်နိုင်ရပါမည်။ လျှောက်ထားသူများသည် အလုပ်အတွေ့အကြုံရှိရန် မလိုအပ်ပါ။

လတ်တလောတွင် ယန္တရားအတွက် အလုပ်သင်များ ခေါ်ယူခြင်း မရှိသေးပါ။