အထောက်အထားများမျှဝေခြင်း

ယန္တရားသည် နိုင်ငံတွင်း၊ ဒေသတွင်း သို့မဟုတ် နိုင်ငံတကာ တရားရုံးများ သို့မဟုတ် ခုံရုံးများတွင် ဆောင်ရွက်လျက်ရှိသော ရာဇ၀တ်မှုဆိုင်ရာတရားစွဲဆိုမှုများ ချောမွေ့မြန်ဆန်စေရန် အရည်အချင်းပြည့်ဝသည့် စုံစမ်းစစ်ဆေးမှု၊ တရားစွဲဆိုမှုနှင့် အမှုစစ်ဆေးစီရင်မှုများလုပ်ဆောင်နိုင်သော တရားရေးအာဏာပိုင်များထံ အထောက်အထားများနှင့် စိစစ်သုံးသပ်ချက်များ မျှဝေပါသည်။

ယန္တရားသည် အချက်အလက်တောင်းဆိုမှုတိုင်းကို ဂရုတစိုက်လေ့လာပြီး အောက်ပါအချက်အလက်များကို အာမခံနိုင်သော တရားစီရင်‌ရေးအာဏာပိုင်များကိုသာ အချက်အလက်များ မျှဝေပါသည်။

• မျှတသောတရားစီရင်ခွင့်ကို အာမခံပြီး နိုင်ငံတကာလူ့အခွင့်အရေးဥပဒေများနှင့် စံနှုန်းများအတိုင်း လိုက်နာသည်။

• ထိခိုက်နစ်နာသူများနှင့် သက်သေများကို အကာအကွယ်ပေးနိုင်စွမ်းရှိသည်။

• သက်သေများနှင့် အချက်အလက်ပေးသူများအား ယန္တရားက ကတိပြုထားသည့် အချက်အလက်မျှဝေမှုဆိုင်ရာ သဘောတူခွင့်ပြုချက်နှင့် လျှို့ဝှက်စွာထားရှိမှုကို လေးစားသည်။

• သေဒဏ် မချမှတ်ပါ။

ရာဇ၀တ်မှုဆိုင်ရာတရားစွဲဆိုမှုများအပြင် တရားမျှတမှုဖြစ်ထွန်းရေးနှင့် နောက်ထပ်ရာဇ၀တ်မှုများမဖြစ်စေရန် ဟန့်တားရေးအတွက် အမှုတစ်ခုချင်းအပေါ်မူတည်၍လည်း သတင်းအချက်အလက်များကို မျှဝေပါသည်။

ယန္တရားထံမှ အချက်အလက်၊ စာရွက်စာတမ်း သို့မဟုတ် အထောက်အထားများ တောင်းဆိုရန်  အကူအညီတောင်းခံမှုဆိုင်ရာလမ်းညွှန်ချက်များ ကို ကြည့်ရှုနိုင်ပါသည်။

ယန္တရားသည် အချက်အလက်ပေးသူများ၏သဘောတူညီမှုဖြင့် ရိုဟင်ဂျာများအပေါ်ကျူးလွန်သည့် ကြီးလေးသောနိုင်ငံတကာရာဇ၀တ်မှုများနှင့် ဆက်စပ်သော အထောက်အထားများနှင့် စိစစ်သုံးသပ်ချက်များကို နိုင်ငံတကာရာဇ၀တ်ခုံရုံး၏တရားလိုရှေ့နေရုံး၊ ဂမ်ဘီယာနှင့်မြန်မာအမှုကို စစ်ဆေးနေသည့် နိုင်ငံတကာတရားရုံးမှ အဖွဲ့များနှင့် ကမ္ဘာ့နေရာတိုင်းတွင်စီရင်ပိုင်ခွင့်ဖြင့် အာဂျင်တီးနားတရားရုံးတွင် စုံစမ်းစစ်ဆေးနေသော တရားလိုရှေ့နေများထံ မျှဝေလျက်ရှိသည်။