Select Page

နှစ်ပတ်လည် အစီရင်ခံစာများ

(၂၀၁၉)ခုနှစ်၊ စက်တင်ဘာလ (၉)ရက်နေ့တွင်၊ မိမိတို့၏ လုပ်ပိုင်ခွင့်အရ လိုအပ်သလို၊ ယန္တရား၏ အကြီးအကဲက ပထမ နှစ်စဥ်အစီရင်ခံစာ ကို လူ့အခွင့်အရေးကောင်စီသို့ ၎င်း၏ (၄၂)ကြိမ်မြောက် အစည်းအဝေးပွဲတွင် တင်ပြခဲ့သည်။ အဆိုပါအစီရင်ခံစာတွင် ယန္တရား၏ လုပ်ငန်းလည်ပတ်မှု ပထမအဆင့်ရှိ မဟာဗျူဟာနှင့် အဓိကစိန်ခေါ်မှုများကို ဖော်ပြခဲ့ပြီး၊ အောက်ပါကဏ္ဍများ ပါဝင်သည်။

  • စုံစမ်းစစ်ဆေးမှုပြုလုပ်ရန် အမှုများရွေးချယ်ခြင်း
  • လိင်အကြမ်းဖက်မှုဆိုင်ရာ ရာဇဝတ်မှုများအတွက် တာဝန်ခံမှု
  • အမှုတွဲများပြင်ဆင်ရန် စုံစမ်းစစ်ဆေးမှုများပြုလုပ်ခြင်း
  • ပူးပေါင်းဆောင်ရွက်ခြင်း
  • အချက်အလက်၊ စာရွက်စာတမ်းနှင့် အထောက်အထားများ မျှဝေခြင်း
  • အချက်အလက်၊ စာရွက်စာတမ်းနှင့် အထောက်အထားများကို တခြားရည်ရွယ်ချက်များအတွက် မျှဝေခြင်း
  • အများပြည်သူသို့ ကမ်းလင့်ဆက်သွယ်ခြင်း
  • ယန္တရား၏ အစပိုင်း ဦးစားပေးလုပ်ငန်းများ
  • လုပ်ငန်းလည်ပတ်ရန်နှင့် အပြည့်အဝအလုပ်လုပ်နိုင်ရန် လှမ်းခဲ့သော လက်တွေ့ခြေလှမ်းများ

ရုပ်သံ။ ။ နီကိုလတ်စ်ခွန်ဂျန် က လူ့အခွင့်အရေးကောင်စီ သို့ နှစ်ပတ်လည် အစီရင်ခံစာကို တင်ပြနေစဥ် (ကုလ ၀က်ဘ် တီဗီ)

(၂၀၁၉)ခုနှစ်၊ ဩဂုတ်လ (၅)ရက်နေ့တွင်၊ ယန္တရား၏ လုပ်ပိုင်ခွင့် လိုအပ်ချက်အရ၊ နှစ်ပတ်လည် အစီရင်ခံစာကို (၇၄)ကြိမ်မြောက် အထွေထွေညီလာခံ (A/74/278)သို့ ပေးပို့ခဲ့သည်။

(၂၀၂၀) ခုနှစ် စက်တင်ဘာလတွင် ယန္တရား၏ အကြီးအကဲက လူ့အခွင့်အရေးကောင်စီ၏ (၄၅) ကြိမ်မြောက် အစည်းအ‌‌‌‌‌၀ေးသို့  ၎င်း၏ ဒုတိယ နှစ်စဥ်အစီရင်ခံစာကို တင်သွင်းသွားမည် ဖြစ်သည်။ ဤ အစီရင်ခံစာတွင် ယန္တရား စတင်လည်ပတ်လှုပ်ရှားသည့် ပထမနှစ်အတွင်း လုပ်ဆောင်ခဲ့သည့် အရေးကြီးသည့် လုပ်ငန်းစဥ်များအကြောင်းကို တင်ပြထားသည်။ ယန္တရား၏ အရေးကြီးသော လုပ်ပိုင်ခွင့်များကို အကောင်ထည်ဖော်ဆောင်ရွက်ချက်၊ သက်ဆိုင်ရာ နိုင်ငံ၊ အဖွဲ့အစည်း၊ ပုဂ္ဂိုလ်များနှင့် ဆက်သွယ်ဆောင်ရွက်မှုများ၊ လုပ်ငန်းလည်ပတ်မှုနှင့် စီမံခန့်ခွဲမှု လုပ်ငန်းစဥ် ကိစ္စရပ်များအပါအ၀င်၊ ယန္တရား၏ လုပ်ငန်း မျက်နှာစာ ပေါင်းစုံတွင် တိုးမြှင့်လုပ်ဆောင်ခဲ့သော လုပ်ငန်းများနှင့် လှုပ်ရှားမှုအကြောင်းများကို အသားပေး ဆွေး‌နွေး ဖော်ပြထားသည်။

ဤ အစီရင်ခံစာကို ၂၀၂၀ ခုနှစ်၊ သြဂုတ်လ (၂၆) ရက်နေ့တွင် (၇၅) ကြိမ်မြောက် အထွေထွေညီလာခံ(A/75/197)သို့ တင်သွင်းခဲ့သည်။  

၂၀၂၁ ဇူလိုင်လတွင် ယန္တရားသည် ၎င်း၏ တတိယနှစ်ပတ်လည် အစီရင်ခံစာကို ထုတ်ပြန်ခဲ့သည်။ အဆိုပါ အစီရင်ခံစာကို စက်တင်ဘာလတွင် ကျင်းပခဲ့သည့် လူ့အခွင့်အရေးကောင်စီ၏ ၄၈ ကြိမ်မြောက် ညီလာခံသို့ ယန္တရား အကြီးအကဲက တင်ပြခဲ့ပါသည်။ ဤအစီရင်ခံစာတွင် ၂၀၁၉ သြဂုတ်လ လုပ်ငန်း စတင်ချိန်မှစပြီး ၎င်း၏ လုပ်ငန်းများအတွက် ခိုင်မာသော အုတ်မြစ် ချမှတ်ရန် ယန္တရား၏ ကြိုးပမ်းမှုများအပြင် ၎င်း၏ အဓိက လုပ်ငန်းများကို တိုးချဲ့ရန်၊ တွေ့ဆုံ ဆက်သွယ်မှုများကို တိုးမြှင့်ရန်၊ မြန်မာနိုင်ငံတွင်း အကြီးလေးဆုံး အပြည်ပြည်ဆိုင်ရာ ရာဇ၀တ်မှုများကို ကျူးလွန်သူများအား ထိုက်သင့်သည့် ပြစ်ဒဏ်ကျခံရစေဖို့ ကြိုးပမ်းနေသည့် ၎င်း၏ လုပ်ငန်းဆောင်တာများ အားကောင်းစေရန် လုပ်ဆောင်နေသည့် အစီအစဥ်များကို အကျဥ်း တင်ပြထားပါသည်။ ဖေဖော်၀ါရီ ၁ ရက် စစ်တပ် အာဏာသိမ်းပြီးနောက် မြန်မာနိုင်ငံတွင်းက အခြေအနေများကို ယန္တရားက ၎င်း၏ လုပ်ပိုင်ခွင့် ဘောင်အတွင်းမှ အနီးကပ် လေ့လာ စောင့်ကြည့်လျက် ရှိပါသည်။ မူလ အစီအစဥ်များကို အာဏာသိမ်း အဖြစ်အပျက်နောက်ပိုင်း အမြောက်အမြား ၀င်ရောက်လာသည့် သတင်းအချက်အလက်များ၊ အလျင်အမြန် ဖြစ်ပေါ်ပြောင်းလဲနေသည့် အခြေအနေ၊ ဖြစ်ရပ်များနှင့်အညီ လိုက်လျောညီထွေ လုပ်ဆောင်နေစဥ်မှာပင် အစောပိုင်း ဖြစ်ရပ်များနှင့် စပ်လျဥ်းသည့် သက်သေ အ‌အထောက်အထားများကို ပြုစုစုစောင်းသည့်အပိုင်းတွင် တိုးတက်မှုများ ဆက်လက် လုပ်ဆောင်နိုင်ခဲ့သည်။ ရိုဟင်ဂျာများနှင့် ဆိုင်သည့်အခြေအနေ၊ မြန်မာနိုင်ငံတ၀ှမ်းမှ တခြားအခြေအနေများအပါအ၀င် ဦးစားပေး နေရာဒေသများ၊ ဖြစ်ရပ်များအားလုံးတွင် စုံစမ်းစစ်ဆေးမှုများကို ရှေ့ဆက်နိုင်ရန် ၎င်း၏ ရင်းမြစ်များ၊ စွမ်းဆောင်လုပ်ဆာင်နိုင်မှုများကို မဟာဗျူဟာမြောက် ဆက်လက် အသုံးချနေအောင် ကြပ်မတ် လုပ်ဆောင်လျက် ရှိပါသည်။

ဤအစီရင်ခံစာကို ၂၀၂၀ ခုနှစ် စက်တင်ဘာ (၈) ရက်နေ့တွင် (၇၆) ကြိမ်‌မြောက် အထွေထွေညီလာခံ (A/76/317) သို့ တင်သွင်းခဲ့သည်။

ယန္တရားသည် လူ့အခွင့်အရေးကောင်စီနှင့် အထွေထွေညီလာခံသို့ ၎င်း၏ နှစ်စဉ်အစီရင်ခံစာများကို ဆက်လက်ပေးပို့သွားမည်ဖြစ်သည်။